राष्ट्रिय परीक्षा बोर्ड अन्तर्गतको परीक्षा नियन्त्रण कार्यालय (कक्षा १०), सानोठिमी भक्तपुरले एसईई परीक्षाको नतिजाको जानकारी दिन चाहने इन्छुक संघसंस्थालाई त्यससम्बन्धी प्रक्रियामा सहभागी हुन सूचित गरेको छ।
परीक्षा नियन्त्रण कार्यालयले एसएमएस, आईभीआर वा वेबसाइटको माध्यमबाट एसईई परीक्षा २०८० को नतिजा सम्बन्धी जानकारी दिन इच्छुक संघसंस्थाहरुलाई त्यस्तो आग्रह गरेको हो।
कार्यालयले आज सूचना जारी गर्दै आगामी असार ५ गतेसम्म निवेदन दिन सकिने जनाएको छ।
परीक्षा नियन्त्रण कार्यालयले त्यसका लागि विभिन्न मापदण्डहरुसमेत तोकेको छ।
कार्यालयले एसएमएस मार्फत् एसईईको नतिजाको जानकारी दिनको लागि ४० हजार, वेबसाइटका लागि २० हजार र एसएमएस र वेबसाइड सेवाका लागि ६० हजार र एसएमएस, आईभीआर र वेबसाइड सेवाका लागि एकमुस्ट रुपमा एक लाख रुपैयाँ शुल्क बुझाउनु पर्ने जनाएको छ।
हेर्नुहोस् सूचना
Shares
प्रतिक्रिया