ललितपुरको खोकनामा सिकाली जात्रा मनाइएको छ। सिकाली चौरमा रहेको मन्दिरवरिपरि स्थानीय भेला भएर यो जात्रा मनाउने गर्छन्।
खोकनावासीले दसैँलाई टीकाजमरा लगाएर मनाउँदैनन्। सिकाली जात्रा गरी मनाउँछन्। देवीदेवताको पूजापाठ र सामूहिक भोज खाएर मनाइने यो जात्रा घटस्थापनादेखि नवमीसम्म नृत्य गरेर मनाइन्छ।
जात्रा घटस्थापनादेखि नवमीसम्म हुने गर्दछ। राष्ट्र र राष्ट्रका नागरिकमा शान्ति मिलोस् भन्ने कामना गरी जात्रा मनाउने परम्परा चलेको स्थानीयवासी बताउँछन्।
स्कन्द पुराणको माघ महात्म्यमा उल्लेख भएअनुसार दक्ष प्रजापतिको यज्ञलाई महाकाली र वीरभद्रलगायतका सैन्यगणले विध्वंस गरी देवगणलाई समेत तितरबितर पारेपछि जात्रा मनाइएको हो। जात्राको लागि मंगलबार बिहानै सिकाली चौरमा यज्ञमण्डप बनाएर यज्ञ लगाइएको थियो।
120
Shares
प्रतिक्रिया