युनिकोड
त्रिवि शिक्षण अस्पतालमा सौर्य एयरलाइन्सको विमान दुर्घटनामा परेर निधन भएका मृतकका परिवारहरूको भीड लागेको छ। बुधबार बिहान विमानस्थलमा भएको दुर्घटनामा परी विमानमा सवार १९ मध्ये १८ जनाको निधन भएको छ।
उनीहरूको शव पोस्टमार्टमका लागि अहिले शिक्षण अस्पताल पुर्याइएको छ।
अस्पतार परिसरमा मृतकका आफन्तहरू भावविह्वल हुँदै आफन्तको शव कुरिरहेका छन्। अस्पताल प्रशासनले जनाए अनुसार, आजैबाट उनीहरूको शव पोस्टमार्टम हुनेछ।
यद्यपि आफन्तले शव भने तीन दिनपछि मात्रै हस्तान्तरण गरिने बताइएको छ। ‘डिजास्टर भिक्टिम आइडेन्टिफिकेशन’ प्रणालीबाट शव पोस्टमार्टम गरिने चिकित्सकहरूले बताएका छन्।
मृतकका आफन्तलाई सहानुभुति दिन ऊर्जा, जलस्रोत तथा सिंचाईमन्त्री दीपक खड्का पनि शिक्षण अस्पताल पुगेका थिए।
तस्बिरहरूः
प्रतिक्रिया