युनिकोड
लुम्बिनी अल स्टार्सले नेपाल टी २० लिगमा काठमाडौँ नाइट्ससामु १५१ रनको लक्ष्य प्रस्तुत गरेको छ।
कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको लुम्बिनीले निर्धारित २० ओभरमा ७ विकेटको क्षतिमा १ सय ५० रनको योगफल तयार पारेको हो।
कप्तान दिपेन्द्र सिंह ऐरी ४० रनमा क्याच आउट भए। २७ बलको सामना गरेका दिपेन्द्रले ३ चौका र १ छक्का हाने।
लुम्बिनीका ओपनर लाहिरु मिलान्था २५ र सुनिल धमाला ३ रनमा पवेलियन फर्के। मिलान्थाले १८ बलमा २ छक्का हाने। कुशल भुर्तेल १९ रनमा एलबीडब्लु धरापमा परे। अनिल शाह १३ र हरमित सिंह १२ तथा ह्यारी टेक्टर ७ रनमा क्याच आउट भए।
सेड्ली भान २१ रनमा नटआउट रहे। गुल्सन झा २ रनमा रनआउट भए।
काठमाडौका अज्मतुल्लाह ओमरजाइ २ विकेट लिए। अविनास बोहोरा, अनिल खरेल, बसिर अहमद, सुनिल गौतम र एलेक्स ब्लेकले समान एक एक विकेट झारे।
प्रतिक्रिया