सर्लाहीमा सम्पन्न सातौँ राजर्षि जनक कप फुटबल प्रतियोगिताको उपाधि मच्छिन्द्र फुटबल क्लब काठमाडौंले जितेको छ।
आइतबार अपरान्ह बागमती नगरपालिकाको कर्मैयास्थित सन्तोष श्रेष्ठ स्मृति खेल मैदानमा भएको खेलमा जावलाखेल युथ क्लबलाई २-१ गोलले पराजित गर्दै मच्छिन्द्रले उपाधि जितेको हो।
मच्छिन्द्रलाई उपाधि जिताउने क्रममा कप्तान सुजल श्रेष्ठ र विमल घर्ती मगरले १-१ गोल गरे। पराजित जावलाखेलका विनोद केसीले सान्त्वना गोल गरे।
विजयी भएको मच्छिन्द्रले १० लाख रुपैयाँ प्राप्त गरेको छ। उपविजेता जावलाखेलले ५ लाख रुपैयाँमै चित्त बुझाएको छ।
51
Shares
प्रतिक्रिया