युनिकोड
एसीसी यू–१९ एसिया कपमा अफगानिस्ताविरुद्ध नेपालले उत्कृष्ट सुरुआत गरेको छ।
हेमन्त धामीले सातौँ ओभरको दोस्रो बलमा ओपनर खालिद तनिवाललाई १० रनमा पवेलियनको बाटो देखाए। ११ बलमा १० रन बनाएका खालिद हेमन्तको बलमा गुल्सन झाको हातबाट क्याच आउट भए।
लगत्तै हेमन्तले सातौं ओभरको तेस्रो बलमा अक्रम मोहम्मजाइलाई बोल्ड आउट गरे। अक्रम गोल्डेन डगआउट भए।
त्यसअघि अलराउण्डर गुल्सन झाले दोस्रो ओभरको पाँचौ बलमा ओपनर वाफीउल्लाह ताराखिललाई १५ रनमा कप्तान देव खनालको हातबाट क्याच आउट गराए।
अहिले क्रिजमा जम्सीद जड्रान ८ र र रहिमुल्लह जुरमती शुन्य रनमा नटआउट छन्।
दुबईको आइसीसी एकेडेमी ओभल–२ मा नेपालले टस जितेर फिल्डिङ रोजेपछि ब्याटिङ गरेको अफगानिस्तानले सातौ ओभरको खेल जारी रहँदा ३ विकेटको क्षतिमा ३४ रन बनाएर खेलिरहेको छ।
नेपाललाई सेमिफाइनलमा स्थान बनाउन आजको खेल जित्नैपर्ने दबाब छ। आजको खेलमा पराजित भए नेपालको सेमिफाइनल सम्भावना कठिन बन्नेछ।
पहिलो खेलमा पाकिस्तानसँग ७ विकेटले पराजित भएको नेपाल आजको खेलमा जित निकाल्न चाहन्छ।
अफगानिस्तान पनि आजको खेलमा नेपाललाई हराउँदै सेमिफाइनल सम्भावना जीवित राख्न चाहन्छ। अफगानिस्तान पहिलो खेलमा भारतसँग ७ विकेटले नै पराजित भएको थियो।
प्रतिक्रिया