सचिन तेन्दुलकरपछि भारतीय उद्योगपति गौतम अदानीले जम्मु कस्मिरका अपांगता भएका क्रिकेटर आमिर हुसेन लोनको तारिफ गरेका छन्।
अदानीले पारा क्रिकेट टिमका कप्तान लोनलाई सहयोग गर्ने आश्वासन पनि दिएका छन्।
समाचार एजेन्सी एएनआईले भिडिओमार्फत आमिर हुसैन लोनको संघर्षको खुलासा गरेको एक दिनपछि गौतम अदानीले आफ्नो एक्स ह्यान्डलमार्फत उक्त घोषणा गरेका हुन्।
एएनआईको भिडिओ रिट्विट गर्दै अदानीले लेखेका छन्, ‘आमिरको यो भावुक बनाउने कथा अद्भूत छ। हामी तपाईंको साहस, खेलप्रतिको समर्पण र प्रतिकूल परिस्थितिमा पनि कहिल्यै हार नमान्ने भावनालाई सलाम गर्छाैँ।’
गौतम अदानीले अदानी फाउन्डेसनले छिट्टै आमिर हुसेन लोनलाई सम्पर्क गर्ने र उनको अनौठो यात्रामा सम्भावित सबै सहयोग उपलब्ध गराउने बताएका छन्।
उनले लेखेका छन्, ‘तपाईंको संघर्ष हामी सबैका लागि प्रेरणा हो।’
आमिर की यह भावुक कर देने वाली कहानी अद्भुत है!
— Gautam Adani (@gautam_adani) January 13, 2024
हम आपकी हिम्मत, खेल के प्रति निष्ठा और विपरीत परिस्थिति में भी कभी ना हार मानने वाले जज्बे को प्रणाम करते हैं।@AdaniFoundation आपसे शीघ्र संपर्क कर इस बेमिसाल सफर में आपका हर संभव सहयोग करेगा।
आपका संघर्ष, हम सबके लिए प्रेरणा है। https://t.co/LdOouyimyK
यसअघि शुक्रबार सचिन तेन्दुलकरले लोनको भिडिओ रिट्विट गर्दै लोनले असम्भवलाई सम्भव बनाएको लेखेका थिए।
तेन्दुलकरले एक्समा लेखेका थिए, ‘र, आमिरले असम्भवलाई सम्भव बनाएका छन्। म यो देखेर धेरै प्रभावित छु। यसले खेलप्रति उनको कति माया र समर्पण छ भन्ने देखाउँछ।’
भिडिओमा सचिनको जर्सी लगाएर खेलिरहेका आमिरको बारेमा उनले यो पनि भने, ‘आशा छ, म एक दिन उनलाई भेट्नेछु र उनीबाट उनको नामको जर्सी लिनेछु। क्रिकेट खेल्न मन पराउने लाखौँ मानिसलाई प्रेरणा दिनुभएकामा धेरै धेरै धन्यवाद!’
And Amir has made the impossible possible. I am so touched watching this! Shows how much love and dedication he has for the game.
— Sachin Tendulkar (@sachin_rt) January 12, 2024
Hope I get to meet him one day and get a jersey with his name. Well done for inspiring millions who are passionate about playing the sport. https://t.co/s5avOPXwYT
अदानी र सचिनलाई आमिरले दिए धन्यवाद
आमिर हुसैन लोनले गौतम अदानीको घोषणालाई स्वागत गर्दै धन्यवाद दिएका छन्।
लोनले भने, ‘सबैभन्दा पहिले म अदानी सरलाई धन्यवाद दिन चाहन्छु, जसले मलाई यसका लागि सक्षम ठान्नुभएको छ। मैले धेरै संघर्ष गर्नुपरेको छ। आज म धेरै खुसी छु कि सचिन सर र अदानी सरले पनि ट्विट गर्नुभएको छ। आशा छ– मैले पक्कै सहयोग पाउनेछु।’
उनले अगाडि भनेका छन्, ‘मेरो देशका यस्ता महान् व्यक्तिले मेराबारे ट्विट गर्नुहुनेछ भन्ने सोचेको पनि थिइनँ।’
को हुन् आमिर हुसेन लोन?
अनन्तनाग जिल्लाको बिजबेहराको वाघमा गाउँका ३४ वर्षीय अमिर हुसेन लोनका दुवै हात छैनन्। तर जन्मैदेखि यस्तो थिएन।
उनी ८ वर्षको हुँदा बुबाको मिलमा भएको दुर्घटनामा उनले दुवै हात गुमाएका हुन्।
यसको केही वर्षपछि उनका एक शिक्षकले उनलाई क्रिकेटमा परिचय गराए। उनले काँध र घाँटीको सहायताले ब्याटिङ गर्छन् भने खुट्टाले बलिङ।
आमिर हाल आफ्नो राज्यको पारा क्रिकेट टिमका कप्तान छन्। उनले सन् २०१३ देखि व्यावसायिक क्रिकेट खेलिरहेका छन्।
Shares
प्रतिक्रिया