नेपाल प्रिमियर लिग (एनपीएल) का लागि तीव्र गतिका बलर प्रतिश जिसी विराटनगर किंग्समा अनुबन्ध भएका छन्।
आइतबार काठमाडौँमा भएको अक्सनमा उनलाई विराटनगर किंग्सले १५ लाख रुपैयाँमा खरिद गरेको हो। उनी पछिल्लो दुई वर्ष नेपाली टोलीमा थिए।
क्याटेगोरी एमा रहेका उनलाई काठमाडौँ, सुदूरपश्चिम र विराटनगर किंग्सबीच प्रतिस्पर्धा भएको थियो। अन्तिममा गोलाप्रथाबाट उनलाई विराटनगरले आफ्नो पोल्टामा पारेको हो।
नेपाल क्रिकेट संघ (क्यान) को आयोजनामा भइरहेको अक्सनमा सहभागी ८ टिमले समान १० खेलाडी खरिद गर्दैछन्।
आगामी मंसिर १५ देखि पुस ६ गतेसम्म काठमाडौँमा हुने लिगमा एक टोलीमा १६ खेलाडी रहेनछन्। जसमा मार्की, चार विदेशी र एक ट्यालेन्ट हबाट टिममा अनुबन्ध हुनेछन्।
पछिल्लो वर्ष नेपाल टी–२० लिग भए पनि विवादपछि दोस्रो संस्करण हुनै सकेन।
आयोजनाको जिम्मेवारी पाएको भारतीय सेभेन थ्री स्पोर्टस् कम्पनी भागेपछि क्यानले सम्झौता रद्द गरेको थियो।
मार्की खेलाडीमा कुशल भुर्तेल पोखरा एभेन्जर्स, करण केसी काठमाडौं गुर्खाज, कुशल मल्ल चितवन राइनोज, रोहित पौडेल लुम्बिनी लायन्स, सन्दीप लामिछाने विराटनगर किंग्स, आसिफ सेख जनकपुर रोयल्स, सोमपाल कामी कर्णाली याक्स र दीपेन्द्रसिंह ऐरी सुदूरपश्चिम रोयल्स रहेका छन्।
Shares
प्रतिक्रिया