विराट गोल्डकप : एपीएफलाई ४–३ ले पराजित गर्दै साङ्ग्रिला क्लब फाइनलमा

विभागीय टोली एपीएफलाई ४–३ गोल अन्तरले हराउँदै साङ्ग्रिला फुटबल क्लब मोरङ ‘विराट गोल्डकप’ फुटबल प्रतियोगिताको फाइनलमा प्रवेश गरेको छ।

बुधबार राति सहिद रङ्शाला विराटनगरमा भएको पहिलो सेमिफाइनल खेलमा निर्धारित ९० मिनेट र अतिरिक्त ३० मिनेट भएको खेलमा हारजितको टुङ्गो नलागेपछि टाइब्रेकरको आधारमा साङ्ग्रिला फुटबल क्लबले उक्त परिणाम निकालेको हो। 

टाइब्रेकरमा पनि दुवै टोलीले ३–३ गोलको बराबरी खेलेपछि सडनडेथबाट निर्णय गरिएको हो। रासस