युनिकोड
सुदूरपश्चिमका मुख्यमन्त्रीमा नियुक्त कमलबहादुर शाह सोमबार नै सरकारलाई पूर्णता दिने प्रयास गरिरहेका छन्।
नेपाली कांग्रेसबाट मुख्यमन्त्री नियुक्त भएका शाहले आफूलाई समर्थन गर्ने दल नेकपा एमालेलाई ३ मन्त्री र १ राज्यमन्त्री दिएर सरकारमा सामेल गराउने भएका छन्।
भागबण्डामा सहमति जुटाउने छलफलमा सहभागी स्रोतका अनुसार नेकपा एमालेले आन्तरिक मामिला तथा कानुन, भौतिक पूर्वाधार र भूमि व्यवस्था कृषि तथा सहकारी मन्त्रालय पाएको छ।
एक राज्यमन्त्री पनि उसले पाएको छ।
एमालेबाट सुरेन्द्रबहादुर पाल, वीरबहादुर थापा र हीरा सार्कीलाई पहिलो प्राथमिकतामा राखिएको छ। उनीहरू दीर्घबहादुर सोडारी नेतृत्वको सरकारमा पनि सामेल भएका थिए।
एमालेबाट सन्तोष कुमारी शर्माले पनि मौका पाउने सम्भावना छ। एमालेका एक नेताका अनुसार दिउँसो २ बजे बस्ने संसदीय दलले मन्त्रीको बैठकले मन्त्रीको अन्तिम नाम टुंगो लगाउने छ।
नाउपाबाट लक्ष्मणकिशोर चौधरीलाई सरकारमा पठाउने तयारी छ। उद्योग, पर्यटन वन तथा वातावरण मन्त्रालउ नाउपाको भागमा छ।
प्रतिक्रिया