मकवानपुरमा ट्रक दुर्घटना हुँदा ५ जना घाइते

कान्तिलोकपथ अन्तरगत मकवानपुरको भिमफेदी ८ गगटेमा ट्रक दुर्घटना हुँदा ५ जना घाइते भएका छन्।

बुधवार दिउँसो परालको भुसा बोकेर काठमाडौं जाँदै गरेको ना ८ ख ६४९९ नम्बरको ट्रक भिमफेदी ८ गगटे नजिक पल्टिएको हो।

घाइतेलाई ईलाका प्रहरी कार्यालय ठिङगनको टोलीले उद्दार गरी उपचारको लागि हेटौंडा पठाएको छ। घाइतेको परिचय खुल्न नसकेको प्रहरीले जनाएको छ।

ट्रक सडकमै पल्टिएको हो। घटनाबारे थप अनुसन्धान भैरहेको जिल्ला प्रहरी कार्यालय मकवानपुरले जनाएको छ।