भाडा माग्दा धम्की दिने गोंगबुका २६ व्यवसायीलाई वडा कार्यालयले बोलायो (सूची)

काठमाडौँ महानगरपालिका–२६ नम्बर वडा कार्यालयले भाडा नतिर्ने गोंगबु क्षेत्रका २६ जना व्यवसायीलाई १५ दिनभित्र वडा कार्यालयमा उपस्थित आग्रह गरेको छ।

गोंगबुस्थित गल्फ रियल स्टेट प्रालिका नाममा दर्ता कायम रहेका ९ कित्ता जग्गामा नक्सापास नगरी निर्माण भएका घर/टहरामा व्यवसाय गरिरहेका उनीहरुलाई २ वर्षदेखि भाडा नतिरेकाले वडा कार्यालयमा उपस्थित हुन भनिएको हो।

वडा कार्यालयले जारी गरेको सूचनामा भनिएको छ, ‘यस वडाअन्तर्गत गोंगबुस्थित गल्फ रियल स्टेट प्रालिको नाममा दर्ता कायम रहेको कि.नं. २२७, ७७, २९०, २९२, २९४, २२४, २२६, २९५ र ७९ मा नक्सा पास नगरी निर्माण भएका घरटहराहरूमा व्यवसाय सञ्चालन गरिआएका व्यवसायीले करिब २ वर्षदेखि भाडा रकम नतिरी जबर्जस्ती स्थान ओगटी भाडा रकम माग्दा विभिन्न धाकधम्की दिएको तथा नेपालको संविधानप्रदत्त सम्पत्तिसम्बन्धी हक उपभोग गर्नबाट जग्गा धनी वञ्चित हुन पुगेकोले काठमाडौँ महानगर पालिका घर बहाल व्यवस्था निर्देशिका २०७९ को दफा २७ उपदफा ३ बमोजिम निम्न व्यवसायीहरूलाई यस कामपा २६ वडा कार्यालयमा १५ दिनभित्र उपस्थित हुन अनुरोध गरिन्छ।’