युनिकोड
यो वर्षको ‘भैरव प्रतिभा पुरस्कार’ कलाकार रामचन्द्र अधिकारीलाई प्रदान गरिने भएको छ।
लामो समय बिरामी परेर अघिल्लो साता मात्रै अभिनयमा फर्किएका अधिकारीलाई भैरव गुठीले यस वर्षको ‘भैरव प्रतिभा पुरस्कार’ दिने निर्णय गरेको हो।
अधिकारीलाई ५१ हजार १ सय रुपैयाँ राशिसहित सम्मानपत्र प्रदान गरिने भैरव गुठीले जनाएको छ।
यस्तै यस वर्षको भैरव पुरस्कार विद्यादेव लुइँटेल गुठी र भैरव वाङ्मय पुरस्कार साहित्यकार विश्वम्भर चञ्चललाई प्रदान गरिने भएको छ। दुवै पुरस्कारको राशि १ लाख ११ हजार १ सय रुपैयाँ छ।
पुरस्कार दिने व्यक्तिको नाम छनोटका लागि साहित्यकार गोविन्द घिमिरे ‘वेदमणि’को संयोजकत्वमा ३ सदस्यीय समिति बनाएको गुठीले जनाएको छ। पुरस्कार आगामी पुस ९ गते भैरव स्मृति भवनमा वितरण गरिने गुठीका सचिव वसन्त रिजालले जानकारी दिए।
प्रतिक्रिया