युनिकोड
मोरङको बूढीगंगास्थित राठी इन्डस्ट्रिजमा लागेको आगो ९ घण्टापछि निभाइएको छ। बिजुलीका बल्ब र स्विच उत्पादन गर्ने उद्योगमा शुक्रबार बिहान २ बजेदेखि लागेको आगो बिहान ११ बजेतिर नियन्त्रणमा लिइएको हो।
मोरङ प्रहरीका प्रवक्ता डीएसपी रञ्जनकुमार दाहालले मोरङ, सुनसरी र झापाका १२ वटा दमकलको सहायतमा ९ घण्टापछि आगो नियन्त्रणमा आएको बताए। आगो निभाउने काममा दमकलसहित नेपाल र सशस्त्र प्रहरी परिचालन गरिएको थियो।
आगलागीबाट बिजुलीका बल्ब र स्विच उत्पादन गर्ने युनिटका उपकरणसहित तयारी अवस्थामा राखिएका बल्ब र स्विच जेले नष्ट हुँदा झन्डै ५ करोड बराबरको क्षति भएको अनुमान गरिएको प्रहरीले जनाएको छ।
विद्युत् सर्ट भएर आगलागी भएको प्रारम्भिक अनुमान छ। यद्यपि कारणबारे अनुसन्धान भइरहेको प्रहरीले जनाएको छ।
आगलागीपछिका केही दृश्य–
प्रतिक्रिया