युनिकोड
जिल्ला प्रहरी परिसर, काठमाडौँको नयाँ भवनबाट सेवा प्रवाह सुरु गरिएको छ। आइतबार (असार २३) गतेबाट भद्रकालीस्थित नयाँ भवनबाट सेवा प्रवाह सुरु गरिएको परिसरले जनाएको छ।
भद्रकालीमा रहेको आफ्नै जमिनमा सुविधा सम्पन्न भवन बनेपछि शनिबार कार्यालय स्थानान्तरण गरिएको थियो।
हनुमानढोकामा रहेको परिसर भवनमा २०७२ को भूकम्पले क्षति पुर्याएपछि टेकुस्थित तत्कालीन नेसनल ट्रेडिङ लिमिटेड (हाल नेपाल आयल निगम) को परिसरमा प्रहरी परिसर सरेको थियो।
स्थानान्तरणको ९ वर्षपछि काठमाडौँ प्रहरीले आइतबारदेखि आफ्नै भवनबाट सेवा दिन थालेको हो।
८० करोड रुपैयाँ कुल लागतमा बनेको भवन आठ तलाको छ। कुल क्षेत्रफलमध्ये भवन पूर्वाधार मात्रै ६ रोपनीमा फैलिएको छ।
भवनको सम्पूर्ण भाग समेट्ने गरी सीसीटीभी जडान, अभियुक्तसँग बयान लिन अन्तर्राष्ट्रियस्तरको ‘इन्टरोगेसन रुम’, अभियुक्तको म्याद थप हिरासत कक्षबाटै हुने व्यवस्था पनि भवनमा मिलाइएको छ।
प्रतिक्रिया