नेकपा एमालेले बाराको जितपुर सिमरा उपमहानगरपालिका–२२ स्थित अमलेखगञ्ज सडक खण्डमा १६ यात्रुको मृत्यु हुने गरी भएको बस दुर्घटनाबाट स्तब्ध भएको जनाएको छ।
एमालेका प्रचार विभाग उपप्रमुख विष्णु रिजालले एक वक्तव्य निकाल्दै मृतकहरुप्रति श्रद्धाञ्जली अर्पण गरेका छन्।
उनले घाइतेहरुको शीघ्र स्वास्थ्य लाभ कामनाका साथै उचित उपचारको व्यवस्था गर्न सरकारसँग माग गरेका छन्।
चाडबाडका बेला दुर्घटना न्यूनीकरण गर्न विशेष ध्यान दिनुपर्नेमा त्यसो हुन नसकेकाले ठूलो मानवीय क्षति भएको एमालेको निष्कर्ष छ।
सडकलाई सुरक्षित बनाउन यस्ता घटनाबाट पाठ सिक्दै आवश्यक काम गर्न पनि एमालेले सरकारी निकायहरुको ध्यानाकर्षण गराएको छ।
48
Shares
प्रतिक्रिया