युनिकोड
रौतहटका चारवटै निर्वाचन क्षेत्रमा अझै मतगणना सुरु भएको छैन।
पूर्वप्रधानमन्त्री समेत रहेका नेकपा एकीकृत समाजवादीका अध्यक्ष माधव नेपाल उम्मेदवार रहेको रौतहट- १ मा सोमबार दिउँसो २ बजेपछि मात्रै मतगणना सुरु गर्ने तयारी निर्वाचन कर्यालयले गरेको छ।
एकीकृत समाजवादी रौतहटका अध्यक्ष कमल यादवका अनुसार केहीबेर अघि रौतहट -१ को सबैदलीय बैठक सकिएको छ। रौतहट- १ को मतगणना सदरमुकाम गौरको जुद्ध माविमा हुने उनले जानकारी दिए।
त्यसैगरी रौतहट - २ को बरमज्योति उच्च माविमा मतगणना हुँदैछ भने रौतहट- ३ को कटहरिया उच्च माविमा मतगणना हुनेछ। रौतहट- ४ को मतगणना चन्द्रपुर नगरपालिकाको जनज्योति उच्च माविमा हुने निर्वाचन कार्यालयले जनाएको छ।
रौतहट- १ मा एकीकृत समाजवादीका माधव नेपाल र एमालेका अजय गुप्ताबीच मुख्य प्रतिस्पर्धा हुने अनुमान गरिएको छ।
प्रतिक्रिया