प्रतिनिधि सभाका सदस्य अर्जुननरसिंह केसीले सर्वोच्च अदालत अस्तव्यस्त भएको बताएका छन्।
बुधबार बसेको प्रतिनिधिसभाको बैठकमा बोल्दै उनले सर्वोच्चको अवस्थाबारे सरकारको ध्यानाकर्षण गराएका छन्।
नेता केसीले सर्वोच्च अदालत एक वर्षदेखि कायममुकायम प्रधानन्यायाधीशको नेतृत्वमा चलिरहेको बताए।
‘यसले पर्ने मनोवैज्ञानिकदेखि संस्थागत असरप्रति सरकारको गम्भीर ध्यानाकर्षण हुनु पर्दछ’, उनले भनेका छन्।
पूर्व प्रधानन्यायाधीश चोलेन्द्र शमशेरको महाभियोग प्रस्ताव अहिलेसम्म निराकरण नहुनु पनि दु:खद भएको उनले बताए।
त्यस विषयमा आवश्यक निर्णय लिन ढिला गर्न नहुने पनि केसीले बताएका छन्। संविधानवादको रक्षा र विधिको पालनाको लागि उक्त विषयलाई टुङ्ग्याउनु पर्ने उनले बताएका छन्।
24
Shares
प्रतिक्रिया