कांग्रेसले सरकारले गरेका गल्तीहरूको उजागर गर्छ : नेता कोइराला

नेपाली कांग्रेसका सांसद डा. शशांक कोइरालाले नेपाली कांग्रेसले सरकारले गरेका गल्तीहरूको उजागर गर्ने बताएका छन्। 

आइतबार संसद भवन परिसरमा सञ्चारकर्मीहरूसँग कुरा गर्दै उनले सहकारी ठगी प्रकरणमा संसदीय छानबिन समिति बन्नुपर्ने मागअनुसार समिति बनेको र अब कामहरु क्रमशः हुँदै जाने बताए।

‘समिति गठन गर्नुपर्छ भन्ने हाम्रो माग थियो, पूरा भयो। समितिको काम आएपछि हामी भन्छौँ। हामीले प्रतिपक्षमा बसेर गल्ती कहाँ भएको छ, त्यसलाई औंल्याउने हो। जस्तो रवि लामिछानेको बारेमा हामीले कुरा राख्यौँ,’ उनले भने, ‘त्यो सत्य हो की होइन भनेर त्यसको छानबिन हुँदैछ। समिति गठन भएपछि हामी चुपचाप छौँ। बजेट एक हिसाले हेर्दा ठिकै देखिन्छ। मलाई सोध्नुहुन्छ भने मेरो क्षेत्रमा कति परेको छ, थाहा भएन। म हेर्छु अनि भन्छु।’

उनले बजेट एक हिसावले हेर्दा ठिक आएको पनि बताए।