युनिकोड
सत्तारूढ नेपाली कांग्रेस र नेकपा एमालेले सरकारको न्यूनतम साझा कार्यक्रम बनाउन कार्यदल गठन भएको छ।
प्रधानमन्त्री समेत रहेका एमाले अध्यक्ष केपी शर्मा ओली र कांग्रेस सभापति शेरबहादुर देउवाबीच भएको छलफलमा चार सदस्यीय कार्यदल बनाउने सहमति भएको हो।
कार्यदलमा कांग्रेसबाट महामन्त्री गगन थापा र प्रवक्ता प्रकाशरण महत छन्। यस्तै एमालेबाट उपमहासचिवद्वय विष्णु रिमाल र प्रदीप ज्ञवाली छन्।
आइतबार ओलीलाई भेट्न देउवा परराष्ट्रमन्त्री डा आरजु राणा देउवा र गृहमन्त्री रमेश लेखकलाई लिएर बालुवाटार पुगेका थिए।
अपरान्ह ४ बजेदेखि ६ बजेसम्म छलफल भएको थियो। छलफलमा एमालेबाट अर्थमन्त्री विष्णु पौडेल र महासचिव शंकर पोखरेल थिए।
कांग्रेस प्रवक्ता महतका अनुसार छिट्टै साझा कार्यक्रम ल्याउनेगरी कार्यदलले काम गर्नेछ।
असार १७ गते मध्यराति कांग्रेस सभापति देउवा र एमाले अध्यक्ष ओलीबिच सत्तासहकार्य गर्ने सहमति भएको थियो।
असार ३१ गते ओलीको नेतृत्वमा सरकार गठन भएको हो।
दुइ महिना हुनलाग्दा समेत सरकारको न्यूनतम कार्यक्रम सार्वजनिक भएको छैन।
प्रतिक्रिया