युनिकोड
काठमाडौं क्षेत्र नम्बर ४ मा नेपाली कांग्रेसका महामन्त्री गगन थापाको अग्रता बढ्दै गएको छ।
प्रारम्भिक मतपरिणाममा ३५ मतले अगाडि देखिएको थापाले पछिल्लो गणनामा ४१० मतले अग्रता लिएका छन्।
बुढानीलकण्ठ नगरपालिका क्षेत्रमा खसेका मतमध्ये अहिलेसम्म २ हजार ७०५ मतपत्र गणना भएको छ। जसमध्ये महामन्त्री थापाले १ हजार ३५७ मत ल्याएका छन्।
उनका निकटतम् प्रतिद्वन्द्वी नेकपा एमालेका विदेश विभाग प्रमुख डा. राजन भट्टराईले ९४७ मत प्राप्त गरेका छन्।
२०७४ को प्रतिनिधिसभा निर्वाचनमा पनि थापा र भट्टराईबीच नै प्रतिष्पर्धा भएको थियो। उक्त निर्वाचनमा थापा २१ हजार ५५८ मतसहित विजयी भएका थिए। भट्टराईको पक्षमा १८ हजार १४० मत खसेको थियो।
प्रतिक्रिया