इटहरी उपमहानगरपालिकाका पूर्व मेयर द्वारिकलाल चौधरी प्रदेशसभाको निर्वाचनमा पराजित भएका छन्।
सुनसरी क्षेत्र नम्बर २ (क) प्रदेश सभा सदस्य उठेका उनलाई नेकपा एमालेका रेवतीरमण भण्डारीले पराजित गरेका हुन्।
भण्डारीले कांग्रेसको पनि साथ लिएर गठबन्धनबाट उठेका नेकपा माओवादी केन्द्रका द्वारिकलाललाई २ हजार ६८० मतले हराएका हुन्।
भण्डारीले १४ हजार ५३८ मत ल्याउँदा चौधरीले ११ हजार ८४५ मत ल्याए। यहाँ तेस्रो स्थानमा राष्ट्रिय प्रजातन्त्र पार्टीका मोहन बहादुर खत्रीले ९ हजार ३२२ मत ल्याए।
चौथो स्वतन्त्र उम्मेदवार बनेका दीपेन्द्र घिमिरेले ३ हजार २०८ मत ल्याए।
द्वारिकलाल इटहरीको मेयरमा फेरि उठ्न नपाएपछि माओवादीतिर लागेका थिए। उनलाई खुमलटारमै माओवादी अध्यक्ष प्रचण्डले स्वागत गरेर प्रदेशको टिकट दिएका थिए।
3.8k
Shares
प्रतिक्रिया