भोलि (आइतबार) देशैभर एकै चरणमा प्रतिनिधिसभा र प्रदेशसभा निर्वाचन हुँदैछ। निर्वाचन आयोगले सम्पूर्ण तयारी पूरा गरेको जनाएको छ। गृह मन्त्रालयले पनि सुरक्षा व्यवस्था कडा बनाएको भन्दै कसैको डर, त्रास, धम्की र प्रलोभनमा नपरी मतदान गर्न मतदाताहरुलाई आग्रह गरेको छ।
निर्वाचनको सुरक्षालाई मध्यनजर गर्दै शनिबार राति १२ बजेबाट सवारी साधन चल्न रोक लगाइएको छ। देशभर नेपाल प्रहरी, सशस्त्र प्रहरी र म्यादी प्रहरीले सुरक्षा दिँदैछन्।
मतदान अधिकृत, सुरक्षा प्रहरी लगायतका सबै टोली मतदानस्थलमा पुगेर आ–आफ्नो कार्यभार सम्हालिसकेका छन्। निर्वाचनको सुरक्षालाई ध्यानमा राख्दै ७२ घन्टादेखि देशका सबै नाकाहरु बन्द गरिएको छ।
अति संवेदनशील, विकट तथा सुरक्षाका हिसाबले सतर्क रहनुपर्ने क्षेत्रहरुमा सशस्त्र प्रहरीको टोलीले संयुक्त रुपमा गस्ती गरिरहेको जनाएको छ।
शनिबार सशस्त्र प्रहरीको टोली देशका विभिन्न ठाउँमा गरेका गस्तिका केही तस्बिरहरुः
Shares
प्रतिक्रिया