विमान दुर्घटनाका शवहरू सोमबार मात्र परिवारलाई बुझाइने

आइतबार बिहान पोखरामा भएको यती एयरलाइनसको विमान दुर्घटनामा भेटिएका सबै शवहरु आज स्वास्थ्य विज्ञान प्रतिष्ठानमा राखिने भएको छ। 

पहिचान भएका शवहरू भोलिमात्र परिवारलाई जिम्मा लगाउने जिल्ला प्रशासन कार्यालयले बताएको छ। ‘जतिपनि शवहरु छन सबै आज स्वास्थ्य विज्ञान प्रतिष्ठानमा नै राखिने छ,’ जिल्ला प्रशासन कार्यालय कास्कीले भनेको छ, ‘पहिचान भएका शव भोलिमात्रै परिवारलाई जिम्मा लगाइने छ।’

पहिचान नभएका शवहरुकालाई भोलि(सोमबार) मात्रै काठमाडौं पठाइने सिडिओ कार्यालयले जनाएको छ।