युनिकोड
चर्चित गायिका रचना रिमाल सवार गाडीलाई ट्रकले ठक्कर दिएको छ।
बाँकेको नेपालगन्जबाट दाङको लमहीमा आयोजित महोत्सवमा सहभागी हुन जाने क्रममा दुर्घटना भएको हो।
गायिका रिमाल सवार गाडीलाई बाँकेको सिक्टानजिकै बा प्र ०३।०१ ख र २११८ को नम्बरको ट्रकले ठक्कर दिएको हो।
ट्रकको ठक्करबाट गायिका रिमाल सवार ना १६ च ८३४३ नम्बरको स्कार्पियो क्षतिग्रस्त भएको छ।
रिमालसँगै स्कार्पियोमा सवार पत्रकार शिवु खनालका अनुसार दुर्घटना भए पनि सबैजना सुरक्षित छ्न्।
आइतबार साँझ पौने ५ बजे पूर्वबाट पश्चिमतर्फ गइरहेको ट्रकले रिमाल सवार गाडीलाई ठक्कर दिएको थियो।
घटनामा गायिका रिमाल सुरक्षित छिन् भने पत्रकार खनालाई घुँडामा चोट लागेको छ। दुर्घटनामा परेको गाडीमा गायिका रिमालसहित तीनजना सवार रहेको पत्रकार खनालले बताए।
प्रतिक्रिया