युनिकोड
काठमाडौँको थापाथलीस्थित परोपकार प्रसूति तथा स्त्रीरोग अस्पतालको कम्पाउन्डबाट चोरिएको शिशुसहित पक्राउ परेकी महिला नेपाली सेनाकी श्रीमती भएको खुलेको छ।
शुक्रबार दिउँसो काभ्रेपलाञ्चोकको चौरी देउराली गाउँपालिका–३ घर भई हाल काठमाडौँको कपन बस्ने २२ वर्षीया सविना श्रेष्ठकी २६ दिनकी शिशु (बालिका) बाेकिदिने बहानामा लिएर एक महिला बेपत्ता भएकी थिइन्।
जिल्ला प्रहरी परिसर काठमाडौँका अनुसार सीसीटीभी फुटेजका आधारमा दैलेख नौमुले गाउँपालिका–१, घर भई काठमाडौँ, काँडाघारी बस्ने वर्ष २४ की मनकुमारी सिंहसहित उनका श्रीमान् र दिदीलाई पक्राउ गरिएको छ। घटना अनुसन्धानका लागि उनका श्रीमान् २८ वर्षीय नरेन्द्र मल्ल र दिदी शारदा शाहीलाई पनि प्रहरीले नियन्त्रणमा लिएको हो।
यसैबीच उनका श्रीमान् नेपाली सेना भएको खुलेको छ। तर प्रहरीले यसबारे विस्तृत कुरा बताइसकेको छैन।
परिसरका एक प्रहरी अधिकारीले भने, ‘विस्तृत कुरा आज हामी पत्रकार सम्मेलन गरेर बताउनेछौँ।’
प्रतिक्रिया