युनिकोड
महोत्तरी रामगोपालपुर नगरपालिका वडा नम्बर- २ का अध्यक्ष मुकेश यादवको शव फेला परेको छ।
बर्दिबास नगरपालिका- ८ मा पर्ने बर्दिबास- जलेश्वर सडक खण्डको कल्भर्टमुनी आज बिहान यादवको शव फेला परेको जिल्ला प्रहरी कार्यालय महोत्तरीका डीएसपी सन्तुलाल जयसवालले जानकारी दिए।
‘म अहिले घटनास्थलमै छु। शव र यादव सवार लु प्र ०१–००१प ६३६२ नम्बरको मोटरसाइकल पनि घटनास्थलमै छ,’ उनले नेपालखबरसँग भने, ‘घटनाको अनुसन्धान चलिरहेको छ।’
वडाध्यक्ष यादव मृत भेटिएपछि अहिले बर्दिबास जलेश्वर सडक खण्ड अबरुद्ध छ।
स्थानीयले घटना शंकास्पद रहेको दाबी गरेका छन्। तर, डीएसपी जयसवालले भने अहिले नै यादवको मृत्युको कारण भन्न नसकिने बताए।
घटनास्थलमा अहिले ठूलाे संख्यामा स्थानीय भेला भएका छन्। 
प्रतिक्रिया