सुमित महर्जनको उत्कृष्ट ब्याटिङमा काठमाडौ नाइट्समाथि सहज जित निकाल्दै पोखरा एभेन्जर्सले नेपाल टी २० लिगको प्लेअफमा पुग्ने सम्भावना जिवित राखेको छ।
सोमबार भएको खेलमा काठमाडौलाई ५ विकेटले पराजित गर्दै पोखराले प्लेअफको सम्भावना कायम राखेको हो।
काठमाडौले दिएको १६५ रनको लक्ष्य पोखराले २ बल अगावै ५ विकेट गुमाएर भेट्टायो।
ओपनर सुमित महर्जन र कप्तान उपुल थरांगाले तेस्रो विकेटका लागि ११२ रनको साझेदारी गरे। सुमितले सर्वाधिक ७६ रनको योगदान दिए। ५२ बलको सामना गरेका सुमितले ७ चौका र ३ छक्का हाने
कप्तान उपुल थरांगा ५८ रनमा एलबीडब्लु धरापमा पर्दै पवेलियन फर्के। ४९ रनको सामना गरेका उनले ५ चौका र १ छक्का हाने। आशिफ शेख ७ र आरिफ शेख शून्य रनमा आउट भए। कुशल मल्ल १४ र र अमिर हम्जा शुन्य रनमा नटआउट रहे। सिद्धान्त लोहनी ३ रनमा क्याच आउट भए।
काठमाडौका कमल ऐरि एक्लैले ३ विकेट लिए। अविनास बोहोरा र अनिल खरेलले एक विकेट झारे।
त्यसअघि कीर्तिपुरस्थित त्रिवि क्रिकेट मैदानमा पोखराले टस जितेर फिल्डिङ रोजेपछि ब्याटिङ गरेको काठमाडौले निर्धारित २० ओभरमा ४ विकेटको क्षतिमा १ सय ६४ रनको योगफल तयार पारेको थियो।
काठमाडौका लागि एलेक्स ब्लेकले सर्वाधिक ६४ रनको योगदान दिदए। ब्लेकले २८ बलमा ३ चौका र ७ छक्का हाने। रायल वर्ल १० र लोकेश बम ४ रनमा नटआउट रहे।
ओपनर विरनदिप सिंह ३२ र सुनाम गौतम ४५ रनमा पवेलियन फर्के। ३८ बलको सामना गरेका विरनदिपले २ चौका र १ छक्का हाने। सुनामले ४२ बलमा ५ चौका हाने। अज्मतुल्लाह ओम्जाइ ३ रनमा बोल्ड आउट भए।
पोखराका लागि तुल थापाले २ तथा कुशल मल्ल र प्रतिश जिसीले एक एक विकेट आफ्नो नाममा गरे।
Shares
प्रतिक्रिया