एकदिवसीय विश्वकप क्रिकेट–२०२३ को दोस्रो सेमिफाइनल खेलमा साउथ अफ्रिकाले अस्ट्रेलियासमक्ष २ सय १३ रनको सामान्य लक्ष्य प्रस्तुत गरेको छ।
कोलकाताको इडेन गार्डेन स्टेडियममा बिहीबार टस जितेर ब्याटिङ रोजेको साउथ अफ्रिकाले डेबिड मिलरको शतककाबीच अस्ट्रेलियासामु २ बल बाँकी रहँदै सबै विकेट गुमाएर २ सय १२ रन बनाएको हो। मिलरले १ सय १ रन जोडे।
उनीबाहेक हेनरिच क्लासिनले ४७ रन बनाए। गेराल्ड कोटरेजले १९ रनको योगदान गरे। कुनै समय सबै ब्याटिङ लय गुमाएको साउथ अफ्रिकाका लागि मिलर र क्लासिनले धर्मराएको ब्याटिङ उकासेका थिए।
१२ ओभरमा २८ रन बनाउँदा साउथ अफ्रिकाले ४ विकेट गुमाइसकेको थियो। त्यसपछि खेलमा क्लासिन र कोटरेजले महत्त्वपूर्ण साझेदारी गर्दै इनिङ उकासेका हुन्।
यी दुईबीच ९५ रनको साझेदारी भएको थियो।
अस्ट्रेलियाका लागि मिचल स्टार्क र कप्तान समेत रहेका पेट कुमिन्सले समान तीन तीन विकेट लिए। जोश ह्याज्लउड र ट्राभिस हेडले समान दुई दुई विकेट लिए।
Shares
प्रतिक्रिया