फ्यानहरुलाई पेलेको सन्देश : म अझै तगडा छु, विश्वकपमा ब्राजिलको खेल हेर्दैछु

ब्राजिलका महान फुटबल खेलाडी पेलेले आफू अझै तन्दुरुस्त रहेको बताएका छन्। उनले सकारात्मक र तन्दुरुस्त रहेको बताउँदै अहिले विश्वकप हेरिरहेको पनि बताएका छन्। 

एक इन्स्टाग्राम पोस्टमार्फत उनले आफ्नो उद्धेश्य सबैलाई शान्त र सकारात्मक राख्नु रहेको उल्लेख गरेका छन्। 

पेलेले भनेका छन्, 'मेरा लागि शुभचिन्तकहरुले पठाउनु भएको सन्देश र विश्वकपमा ब्राजिलको खेल हेरेर ऊर्जा मिलिरहेको छ।'

उनले आफू सदैव आशाले भरिएको पनि बताएका छन्। 'म आशाले भरिएको एक मानिस हुँ। तगडा छु र हमेशा जस्तै उपचार गरिरहेको छु। मलाई मिलिरहेको राम्रो स्याहार उपचारका लागि म पूरा डाक्टर र नर्सिङ टिमलाई धन्यवाद दिन चाहन्छु।'

उनले आफूलाई भगवानमा विश्वास रहेको बताउँदै विश्वभरबाट मिलिरहेका माया भरिएका सन्देशले उत्साह दिइरहेको उल्लेख गरेका छन्। 

'मलाई भगवानमा विश्वास छ। यसका साथै दुनियाभरबाट आइरहेका मायाससहितका सन्देशले मेरो ज्यानमा ऊर्जा भरिरहेका छन्। म विश्व कपमा पनि ब्राजिललाई देखिरहेको छु। यी सबै कुराका लागि धन्यवाद!'