सुदूरपश्चिमका प्रदेशसभा सदस्यले आज शपथ ग्रहण गर्ने

सुदूरपश्चिम प्रदेशसभा सदस्यहरूले आज शपथ ग्रहण गर्दैछन् ।

दिउँसो १ बजे प्रदेश प्रमुख देवराज जोशीले ज्येष्ठ सदस्य मानबहादुर रावललाई शपथ गराएपछि साढे १ मा रावलले ५२ सांसदलाई पद तथा गोपनीयताको शपथ गराउने कार्यक्रम रहेको छ।

प्रदेशसभा सचिवालयले मातृभाषामा पनि पद तथा गोपनीयताको शपथ ग्रहण गराउने व्यवस्था गरेअनुसार ६ जनाले मातृभाषामा शपथ लिन नाम टिपाएका छन्।