युनिकोड
पछिल्लो समय नेपालको सिमेन्ट निर्यात वृद्धि हुनथालेको छ। गत वर्षदेखि नेपालबाट सिमेन्ट निर्यात सुरु भएको थियो।
योसँगै ती वस्तुको निर्यात निरन्तर बढिरहेको ताजा तथ्यांकले देखाएको हो।
चालू आर्थिक वर्षको ६ महिना अवधिमा सिमेन्ट र क्लिंकर गरी कुल १ अर्ब ७६ करोड रुपैयाँ बराबरको निर्यात भएको भन्सार विभागले जनाएको छ। यो सबै भारतमा निर्यात भएको तथ्यांक हो।
विभागका अनुसार ६ महिनामा ८७ करोड रुपैयाँबराबरको सिमेन्टको क्लिंकर निर्यात भएको छ।
त्यस्तै तयारी सिमेन्ट ८९ करोड रुपैयाँबराबरको निर्यात भएको छ। परिमाणमा भन्नुपर्दा क्लिंकर २ लाख २२ हजार टन र सिमेन्ट १४ लाख ५० हजार टन निर्यात भएको छ।
प्रतिक्रिया