युनिकोड
करिव डेढ वर्ष पार्टीबाट अलग रहेकी रन्जु दर्शना विवेकशील साझा पार्टीमा फर्किएकी छन्। बिहीबार साँझ सामाजिक सञ्जालमार्फत उनले पार्टीमा फर्किएको जानकारी दिएकी हुन्।
शुक्रबार र शनिबार हुने महाधिवेशनबाट एकिकृत र सशक्त पार्टी निर्माणमा लाग्न प्रतिवद्ध रहेको उनको भनाई छ।
‘करिब डेढ वर्ष स्वतन्त्र रहेको म, विवेकशील साझा पार्टीबाटै दलीय राजनीति पुनारम्भ गर्दैछु। भोलि र पर्सि (२७–२८) गते हुने विसापाको महाधिवेशनबाट एकीकृत र सशक्त पार्टी निर्माणमा लाग्न म पनि प्रतिवद्ध छु’, उनले लेखेकी छन्।
गएको निर्वाचनमा काठमाडौं ५ बाट स्वतन्त्र उम्मेदवारी दिएकी उनले निराशाजनक मत पाएकी थिइन्। रन्जुले चुनाव चिह्न सेलरोटी लिएकी थिइन्।
२०७४ को स्थानीय चुनावमा विवेकशीलबाट चुनाव लड्दा उनले राम्रो मत पाएकी थिइन्।
विवेकशील साझा पार्टीले आफ्नो पहिलो महाधिवेशन माघ २७ गतेदेखि काठमाडौंमा गर्दैछ।
करिब डेढ वर्ष स्वतन्त्र रहेको म, विवेकशील साझा पार्टी बाटै दलिय राजनीति पुनारम्भ गर्दैछु। भोलि र पर्सि (२७-२८) गते हुने वि.सा.पा. को महाधिवेशन बाट एकिकृत र सशक्त पार्टी निर्माणमा लाग्न म पनि प्रतिवद्ध छु। pic.twitter.com/bmuqv7Zzxh
— Ranju Darshana (Ranju Neupane) (@ranju_darshana) February 9, 2023
प्रतिक्रिया