नेकपा (एमाले)ले संविधान दिवसमा विशेष कार्यक्रम गर्ने भएको छ।
संविधान दिवसका अवसरमा असोज ३ गते बिहान ७ बजे काठमाडौंको नारायणचौरमा आयोजना हुने कार्यक्रममा सहभागी हुन एमाले अध्यक्ष केपी शर्मा ओलीले आह्वान गरेका छन्।
साथै, उक्त कार्यक्रममा सहभागी भइ राष्ट्रिय झण्डासँग सेल्फी खिच्न पनि ओलीले आह्वान गरेको प्रचार विभाग सचिव गगन विष्टले जानकारी दिए।
अध्यक्ष ओलीले नागरिकका हक संविधानमा लेखिएका दिन असोज ३ गते ‘मर्निङ वाक नेसनल वाक, सेल्फी विथ नेशनल फ्ल्याग’ नारासहित संविधान दिवस मनाउन आग्रह गरेका हुन्।
उनले नारायणचौरमा भेट गरी यसपटकको राष्ट्रिय दिवस जनस्तरबाटै भव्यताका साथ मनाउन अपिल गरेका छन्।
21
Shares
प्रतिक्रिया