कञ्चनपुर–२ मा पर्ने कृष्णपुर नगरपालिकाको मतगणना सम्पन्न हुँदा नेपाली कांग्रेसका उम्मेदवार एनपी साउद झण्डै १९ सय मतले अग्रता लिएका छन्। कृष्णपुरका ९ वडामा खसेको २५ हजार ५८६ मत गणना हुँदा उनले १८ सय ७६ मतले अग्रता लिएका हुन्।
क्षेत्र नम्बर २ को निर्वाचन अधिकृतको कार्यालयले राति १ बजेपछि सार्वजनिक गरेको मतगणनाको परिणाममा साउदले १० हजार ८९८ मत पाएका छन्। उनका निकटतम् प्रतिष्पर्धी नेकपा एमालेका उम्मेदवार नरबहादुर धामीले ९ हजार २२ मत ल्याएका छन्।
निर्वाचन अधिकृतको कार्यालयले कृष्णपुर नगरपालिकामा २ हजार २३८ मत बदर भएको पनि जनाएको छ।
कञ्चनपुर–२ मा अब शुक्लाफाँटा नगरपालिकाका पूरै र वेदकोट नगरपालिकाका १, २, ३, ४, ५, ६, ७, ९ र १० नम्बर वडाको मतगणना हुँन बाँकी छ।
111
Shares
प्रतिक्रिया