युनिकोड
प्रतिनिधिसभा समानुपातिकतर्फ जनमत पार्टीले नेकपा एकीकृत समाजवादीलाई उछिनेको छ।
निर्वाचन आयोगले जारी मतगणनाबारे आइतबार दिउँसो साढे २ बजे अद्यावधिकमा जनमत पार्टीले एकीकृत समाजवादीलाई उछिनेको हो।
आयोगका अनुसार आठौं स्थानमा रहेको जनमत एकीकृत समाजवादीलाई ७७६ मतले पछि पार्दै समानुपातिकतर्फ सातौं स्थानमा उक्लिएको छ। उसले २ लाख ३४ हजार १२७ मत ल्याउँदा एकीकृत समाजवादीको २ लाख ३३ हजार ३५१ पुगेको छ।
पहिलो स्थानमा रहेको नेकपा एमाले र दोस्रो स्थानमा रहेको नेपाली कांग्रेसबीच १ लाख ३०२ मतले अगाडि छ। एमालेको २३ लाख ७१ हजार ९६ र कांग्रेसको २२ लाख ७० हजार ७९४ मत छ।
नेकपा माओवादी केन्द्र ९ लाख ९७ हजार ८०९ मतका साथ तेस्रो र राष्ट्रिय स्वतन्त्र पार्टी ९ लाख ४१ हजार ६७८ मतसहित प्रतिनिधिसभा समानुपातिकतर्फ चौथो स्थानमा छ।
प्रतिक्रिया