युनिकोड
काठमाडौंबाट पोखराका लागि उडेको यती एयरलाइन्सको एटीआर जहाज स्थानीयबासीले हेर्दा हेर्दै सेती खोंचमा खसेको छ।
पोखराको घारीपाटननजिकै सेती नदीको खोंचमा खस्नुअघि यतिको एएनसी एटीआर-७२ जहाज आकाशमै कोल्टिएको देखिएको छ।
६८ यात्रु र चार चालक दलका सदस्यसहितको जहाज नयाँ अन्तर्राष्ट्रिय विमानस्थलमा अवतरणका लागि कम उचाइमा आइरहेका बेला घारीपाटननजिकैको आकाशमा अस्वभाविक कोल्टिएको देख्न सकिन्छ।
एकजना स्थानीयले खिचेको भिडिओको दृश्यमा केही परबाट आइरहेको उक्त जहाज एयरपोर्टतर्फ अघि बढ्दै गर्दा फाइटर जेट जस्तै कोल्टिएको देख्न सकिन्छ।
अचानक कोल्टिँदै अघि बढेको जहाज केही सेकेन्डमै ठूलो आवाजसहित भुइँमा बजारिएको सुन्न सकिन्छ। सेती खोंचमा बजारिएलगत्तै धुवाँको मुस्लोसहित ठूलो आगो लागेको थियो।
आगो लागेलगत्तै हेलिकोप्टरबाट पानी खन्याए पनि निभ्न सकेन। दुर्घटनापछि तत्कालै उद्धार गर्दा पनि जीवित यात्रु भेटिन मुस्किल भएको छ।
भिडिओ
प्रतिक्रिया