युनिकोड
ललितपुर प्रहरीले ललितपुर महानगरपालिका–१४ थसिखेलबाट अवैध रुपमा जुवा खेलिरहेका १२ जनालाई पक्राउ गरेको छ।
स्थानीय ईश्वरी खड्काको घरको तेस्रो तलामा जुवा तास खेल्ने खेलाउने भई रहेको भन्ने गोप्य सूचनाको आधारमा जिल्ला प्रहरी परिसर ललितपुरबाट खटिएको प्रहरी टोलीले उनीहरुलाई पक्राउ गरेको हो।
प्रहरीले नियन्त्रणमा लिएका ब्यक्तिहरूमा ललितपुर उपमहानगरपालिका– १४ नख्खिपोट बस्ने वर्ष ५० की कान्छि माया तामाङ, तिखेदेवल बस्ने वर्ष ३६ की निता थापा, वर्ष ४२ की निलीमा राई, नख्खिपोट बस्ने वर्ष ५२ की लक्ष्मी गुरुङ, वर्ष ५१ की ईश्वरी खड्का (घरधनी/जुवा खेलाउने ब्यक्ति), वर्ष ५९ की मन्जु गुरुङ न्यौपाने रहेका छन्।
यस्तै, ललितपुर महानगरपालिका–४ धोबिघाट बस्ने वर्ष ४९ को राज कुमार केसी, तिखेदेवल बस्ने वर्ष ३७ को बिल बहादुर लामा, वडा नं २३ धापाखेल बस्ने वर्ष ५० को शंकर बिश्वकर्मा, काठमाडौं महानगरपालिका–१५ डल्लु बस्ने वर्ष ४० को निमा लामा तामाङ, ललितपुर–१५ सातदोबाटो बस्ने वर्ष ४० को जीवन घिसिङ, काठमाडौं १५ डल्लु बस्ने वर्ष ४२ को निङ्मा तामाङ रहेका छन्। ।
उनीहरुको साथबाट प्रहरीले १ लाख ६० हजार १५ रुपैयाँ नगद तथा नौ बुक ताससमेत बरामद गरेको छ।
उनीहरुमाथि आबश्यक कारबाही तथा थप अनुसन्धान भैरहेको प्रहरीले जनाएको छ।
प्रतिक्रिया