कोरोनाका सक्रिय संक्रमितको संख्या ३५८ पुग्यो

नेपालभर कोरोना भाइरसका सक्रिय संक्रमितको संख्या ३५८ पुगेको छ। 

एक साता अघिदेखि नेपालमा कोरोना भाइरस तीब्र गतिमा बढिरहेको स्वास्थ्य तथा जनसंख्या मन्त्रालयले जनाएको छ। 

मन्त्रायका अनुसार पछिल्लो २४ घण्टामा एक हजार ४०२ जनाको स्वाव परीक्षण गर्दा ५ जनामा संक्रमण पुष्टि भएसँगै देशभर सक्रिय संक्रमितको संख्या तीन सय ५ पुगेको हो। 

हाल भारतमा तीब्र रुपमा फैलिएको कोरोना भाइरसको नयाँ भेरियन्ट ओमिक्रोन एक्सबिबी १.१६ नेपालमा पनि देखिएको छ।

त्यस्तै, काठमाडौंमा मात्र १७ जना संस्थागत आइसोलेसनमा रहेका छन्। तीमध्ये चार जना आईसीयू र एक जना भेन्टिलेटरमा रहेको मन्त्रालयले जानकारी दिएको छ।