प्रहरी हुँ भन्दै धम्की दिएको आरोपमा दुईजना पक्राउ

आफूलाई प्रहरी बताउने दुई जना व्यक्तिलाई प्रहरीले पक्राउ गरेको छ।

पक्राउ पर्नेमा कास्कीको पोखरा महानगरपालिका–६ शान्तिनगर चोक बस्ने वर्ष ३२ को नारायण गिरी र सप्तरीको डाक्लेश्वरी नगरपालिका–७ घर भई हाल पोखराको फुलवारी बस्ने वर्ष २१ को विवेक ठाकुर रहेका छन्।

फागुन १७ गते लेकसाईडमा मादक पदार्थ सेवन गरी हो–हल्ला गर्दै ‘हामीहरू प्रहरीको ठूलै व्यक्ति हौँ भनी रेडियो सेट (वाकिटाकी) समेत देखाई डर त्रास देखाई धम्की दिँदै हिँडेको भन्ने सूचनाको आधारमा वडा प्रहरी कार्यालय बैदामबाट खटिएको प्रहरी टोलीले उनीहरुलाई पक्राउ गरेको हो।