चालू आर्थिक वर्षको हालसम्म सरकारको आम्दानीभन्दा खर्च धेरै देखिएको छ।
महालेखा नियन्त्रकको कार्यालयअनुसार ४ खर्ब ३३ अर्ब रुपैयाँ सरकारले आम्दानी गर्दा खर्च ५ खर्ब ५९ अर्ब रुपैयाँ बढी गरेको हो।
महालेखाको तथ्याङ्कअनुसार सरकारले राजस्वबाट ३ खर्ब ९८ अर्ब उठेको छ। राजस्वमा पनि कर राजस्वबाट ३ खर्ब ६२ अर्ब र गैरकर राजस्वबाट ३६ अर्ब रुपैयाँ संकलन गरेको छ।
त्यस्तै ग्राण्ड फण्ड आम्दानी ३ अर्ब र अन्य शीर्षकको आम्दानी ३१ अर्ब रुपैयाँ रहेको महालेखाले देखाएको छ।
यता खर्च भने सरकारले ५ खर्ब ५९ अर्ब रुपैयाँ बढी देखिएको छ। यसमा सबैभन्दा धेरै खर्च सरकार सञ्चालनमा गएको देखिएको छ। अर्थात् चालू खर्च नै सरकारको ४ खर्ब ४२ अर्ब रुपैयाँ भएको छ भने विकास निर्माण अर्थात् पुँजीगत खर्च सरकारले ४९ अर्ब रुपैयाँ मात्रै गरेको छ। त्यस्तै वित्तीय व्यवस्थापनमा ६७ अर्ब रुपैयाँ खर्च गरेको महालेखा नियन्त्रकको कार्यालयले जनाएको छ।
आर्थिक वर्ष २०७९/८० को चार महिनामा संघीय सरकारको कुल खर्च ३ खर्ब ५१ अर्ब थियो। त्यस अवधिमा चालू खर्च, पुँजीगत खर्च र वित्तीय व्यवस्था खर्चतर्फ क्रमशः २ खर्ब ८१ अर्ब ३९ करोड, २६ अर्ब ३० करोड र ४३ अर्ब ३१ करोड रहेको थियो।
चालू आवको चार महिनामा सरकारको कुल राजस्व २ खर्ब ६८ अर्ब ७ करोड संकलन भएको छ। यसअन्तर्गत कर राजस्वतर्फ २ खर्ब ४५ अर्ब ७९ करोड र गैरकर राजस्वतर्फ २२ अर्ब २८ करोड परिचालन भएको छ।
Shares
प्रतिक्रिया