युनिकोड
रौतहटको गौरमा प्रहरीलाई हातपात गर्ने ५ जना पक्राउ परेका छन्।
गौर नगरपालिका ६ स्थित गौर बसपार्कमा ड्युटीमा खटिएको प्रहरीलाई हातपात तथा गाली गलौज गरेको अभियोगमा चपुर नगरपालिका ४ बस्ने २० वर्षीय सुदर्शन साहलगायत ५ जनालाई सोमबार दिउँसो प्रहरीले पक्राउ गरेको हो।
अस्थाई प्रहरीले पोष्ट बसपार्कबाट खटिएको प्रहरीले उक्त बसपार्कमा छरिएर रहेका सवारी साधनहरू व्यवस्थापन गर्ने क्रममा ग १ ख ६१०७ नम्बरको बसको कन्डक्टर साहले
प्रहरीमाथि अपशब्द प्रयोग गरी गाली गलौज गरेपछि प्रहरीले नियन्त्रणमा लिएको थियो।
अन्य व्यक्तिहरूले प्रहरीमाथि गाली गलौज, हातपात तथा कुटपिट गरेपछि थप ४ जनालाई समेत प्रहरीले पक्राउ गरेको छ। उनीहरुलाई थप कारबाही गर्न प्रहरीले थुनामा राखेर अनुसन्धान थालेको छ।
प्रतिक्रिया