युनिकोड
नेपाल सुपर लिग (एनएसएल) अन्तर्गत जारी खेलको पहिलो हाफमा वीरगन्ज युनाइटेडविरुद्ध पोखरा थन्डर्सले अग्रता बनाएको छ।
त्रिपुरेश्वरस्थित दशरथ रंगशालामा जारी खेलको पहिलो हाफमा पोखरा २-१ ले अघि भएको हो।
पहिलो हाफको छैटौँ मिनेटमै पोखराले सुरुवाती अग्रता बनाएको थियो।
पोखराका फरवार्ड आयुष घलानले बक्सको दायाँपट्टिबाट गरेको क्रसमा स्टेफन अन्नोरले दिएको पासमा मोसेस ग्याबाको प्रहार ब्लक भएपछि बक्सको छेउबाट जो आइडुले गरेको प्रहार वीरगन्जका गोलरक्षक दीप कार्कीले रोक्न सकेनन्।
११औँ मिनेटमा वीरगन्जले बराबरी गोल फर्कायो। सुशील लामाको क्रसमा डिफेन्डर आइकिन्स बफुरको हेडर पोखरा गोलरक्षक यभ्स प्रिसोको नजिकैबाट बल छिर्यो।
खेलको ४४औँ मिनेटमा पोखराले पुनः खेलमा अग्रता बनायो। स्टेफन अन्नोरको क्रसमा हेडर गोल गर्दै मोसेसले खेलमा पोखरालाई पुनः अग्रता दिलाए।
प्रतिक्रिया