युनिकोड
भारतीय युद्धपोत आईएनएस कोलकाताले अरब सागरमा सबै ३५ सामुद्रिक डाकुलाई घेरेर आत्मसमर्पण गर्न बाध्य पारेको छ।
भारतीय नौसेनाका प्रवक्ताले ट्विटरमार्फत दिएको जानकारीअनुसार ४० घण्टा लामो अपरेसनपछि अपहरणमा परेको जहाज एमभी रुएनका चालक दलका १७ सदस्यलाई सकुशल उद्धार गरिएको छ।
ट्विटमा भनिएको छ, ‘आईएनएस कोलकाताले भारतको तटबाट करिब १,४०० सामुद्रिक माइल (२,६०० किमि) टाढा डाकुको सामुद्रिक जहाज रुएनलाई रोकेको थियो।’
नौसेनाका प्रवक्ताका अनुसार, जहाजमा खानतलासी गरी अवैध हतियार, गोला बारुद र प्रतिबन्धित सामग्री हटाइएका छन्।
विज्ञप्तिअनुसार भारतीय नौसेनाले जहाजमा अपरेसन सुरु गर्नुअघि सामुद्रिक डाकुहरूलाई तुरुन्त आत्मसमर्पण गर्न र बन्धकहरूलाई रिहा गर्न भनेको थियो।
यी सबै सामुद्रिक डाकु सोमालियाका बासिन्दा भएको बताइएको बीबीसी हिन्दीले जनाएको छ।
#INSKolkata, in the last 40 hours, through concerted actions successfully cornered and coerced all 35 Pirates to surrender & ensured safe evacuation of 17 crew members in the evening today #16Mar 24 from the pirate vessel without any injury.#INSKolkata had carried out the… https://t.co/eKxfEdMRES pic.twitter.com/tmQq2fG8yE
— SpokespersonNavy (@indiannavy) March 16, 2024
प्रतिक्रिया