एसिया कप अन्तर्गत सुपर फोरको खेलमा पाकिस्तानले श्रीलंकाविरुद्ध टस जितेर ब्याटिङ गरिरहेको छ। कोलोम्बोमा वर्षाका कारण ढिलोगरी सुरु भएको खेल ४५ ओभरमा छोट्टाइएको छ।
९ ओभरको पावर प्ले हुने खेलमा दुवै टोलीले ४५ ओभर मात्र खेल्नेछन्।
आजको खेलको विजेताले फाइनलमा स्थान बनाउनेछ। तर वर्षाका कारण खेल रद्द भए नेट रनरेटको आधारमा श्रीलंका फाइनलमा पुग्नेछ।
श्रीलंका र पाकिस्तानको समान २ अंक भएपनि नेट रनरेटमा श्रीलंका दोस्रो र पाकिस्तान तेस्रो स्थानमा छ। श्रीलंकाको नेट रनरेट माइनस शुन्य दशमलव २०० छ। पाकिस्तानको भने माइनस १ दशमलव ८९२ छ।
सुपर फोरमा श्रीलंकाले बंगलादेशलाई २१ रनले हराउँदा भारतसँग ४१ रनले पराजित भएको थियो।
पाकिस्तानले भने बंगलादेशलाई ७ विकेटले पाखा लगाउँदा भारतसँग २ सय २८ रनको फराकिलो अन्तरले पराजित भएको थियो।
सुपर फोरको दुइ खेलमा जित निकालेको भारत भने ४ अंकमा शीर्ष स्थानमा रहँदै फाइनलमा पुगिसकेको छ। आजको खेलको विजेताले फाइनलमा भारतको सामना गर्नेछ।
Shares
प्रतिक्रिया