नेपाली राष्ट्रिय महिला फुटबल टोलीकी स्टार स्ट्राइकर सावित्रा भण्डारी साम्बा सम्मिलित हापोयल रानानाले बराबरी गर्दै अंक बाँडेको छ।
गएराति भएको खेलमा साम्बाको टोली रानानाले हापोएल पेटा टिक्भा एफसीसँग बराबरी गर्दै अंक बाँडेको हो।
खेलको पहिलो हाफ गोलरहित बराबरीमा सकिएको खेलको दोस्रो हाफमा मात्र गोल भएको थियो।
खेलको ६० औं मिनेटमा साम्बाको गोलमा रानानाले सुरुवाती अग्रता बनाएको थियो। तर खेलको ६५ औं मिनेटमा पेटा टिक्भाले गोल गर्दै खेललाई बराबरीमा ल्यायो।
लिगमा रानानाले पहिलो बराबरी गरेको हो। १ खेलमा जित र १ खेलमा बराबरी गरेको ४ अंकमा चौथो स्थानमा छ।
साम्बाले जारी लिगमा पाँच गोल गरिसकेकी छिन्। युरोपेली लिग खेल्ने साम्बा पहिलो महिला खेलाडी हुन्।
साम्बा अब एशियन गेम्समा सहभागी हुन नेपाल आउनेछिन्।
42
Shares
प्रतिक्रिया