एसियाडमा पदकबाट चुके लिम्बु

तेक्वान्दोका प्रेमबहादुर लिम्बु नेपाललाई १९औं एसियाली खेलकुदमा पहिलो पदक दिलाउन असफल भएका छन्।

आइतबार चीनस्थित लिनान स्पोर्ट्स कल्चर एन्ड एक्जिबिसन सेन्टरमा भएको पुम्सेको क्वार्टरफाइनलमा हारेसँगै उनी पदकबाट वञ्चित भएका हुन्। लिम्बु फिलिपिन्सका प्याट्रिक किङ पेरेजसँग हारेका हुन्।

पाकिस्तानका अब्दुल उल्लाह कादिरलाई हराउँदै लिम्बु अन्तिम १६ मा पुगेका थिए। अन्तिम १६ मा पेरेजले औसत ७.५६० अंक ल्याउँदा उनले ७.१६० को स्कोर ल्याए।

महिला पुम्सेतर्फ पनि नेपालको यात्रा सकिएको छ। अन्तिम १६ को प्रतिस्पर्धामा स्वस्तिका तामाङ सिंगापुरकी अकिदा बिन्ते दियानासँग हारेसँगै नेपालको सम्भावना सकिएको हो।